अकोला प्रती – अकोला हैदराबाद राष्ट्रीय महामार्गावर MP 13 GA 8841 क्रमांकाचा ट्रक इंदौर वरून बेंगलोरला साबण बनवण्याचे केमिकल घेऊन जात असताना ड्रायव्हर साईडचे चाक निखळल्यामुळे सदर ट्रक रात्री ११:०० वाजता भोसला इंजिनिअरिंग कॉलेज जवळ रस्त्यावरील डिवायडर वर पलटी झाला. त्यामुळे डिझलची टाकी पुर्ण फुटली असुन डिझेल व केमिकल रस्त्यावर मोठ्या प्रमाणात पडलेले होते.
सुदैवाने कुठल्याही प्रकारची जीवित हानी झाली नाही. चालकाला किरकोळ मुक्कामार लागला असुन तो सुखरूप आहे. सामाजिक कार्यकर्ते उमेश इंगळे रात्री ११:०० वाजता आपल्या निंबि मालोकार येथे कामावर जात असतांनी त्यांना हा पलटी झालेला ट्रक दिसला त्यांनी प्रसंगावधान राखत तात्काळ चालकाला सुखरूप बाहेर काढले.त्यामुळे मोठा अनर्थ टळला.